Magic of SL Cricket 😍

1996ம் ஆண்டு உலகக்கிண்ண கிரிக்கெட் போட்டியின் ஆரம்பத்தில் இலங்கை சாம்பியன் ஆகுமென யாருமே கனவு கண்டிருக்கமாட்டார்கள். அந்தளவுக்கு இலங்கையின் பெறுபேறுகள் மோசமாகவும், பிரச்சினைகள் அதிகமாகவும் இருந்தது.

Our Youtube Video

முரளியின் நோபோல் சர்ச்சை, ஆரம்ப வீரராக சனத்தின் மோசமான போர்ம், களுவை அணியில் வைத்திருப்பதா ? இல்லையா ? என்கிற குழப்பம், அப்போதைய முண்ணனி 7 அணிகளுக்கெதிரான மோசமான தோல்விகள், 250 என்கிற ஓட்ட இலக்கை தாண்ட தடுமாறும் துடுப்பாட்டம், போதாக்குறைக்கு உலகக்கிண்ணம் தொடங்கும்போது நிகழ்ந்த குண்டுவெடிப்பால், அணிகள் இலங்கைக்கு வரமுடியாது என்று சொல்லிக் கொண்டிருக்க, அதற்க்கு பெற்றோல் ஊத்தினார் Shane Warne. “கோடி கொட்டிக் கொடுத்தாலும், இந்த நாட்டுக்கு மனுசன் போவானா ?” என்கிற அர்த்தத்தில் ஒரு அறிக்கை விட, ஒட்டுமொத்தமாகவே அந்த கிண்ணத் தொடர் இலங்கைக்கு எதிராகவே இருந்தது.

இவ்வளவு அழுத்தம், பிரச்சினைக்கு மத்தியிலும், இலங்கை சாம்பியன் ஆனதென்றால், அதற்க்கு கண்ணுக்கு தெரிந்த , தெரியாத பல காரணங்கள் கொட்டி கிடக்கின்றன. அதில் முக்கியமானது Captain Cool அர்ஜுனா ரணதுங்க. எல்லா பிரச்சினைகளையும், பலவீனங்களையும், அணியை ஒன்று சேர்ப்பதற்கும், அணியின் வெற்றிக்கான உரமாகவும், பலமாகவும் மாற்றினார். உதாரணத்திற்கு, முரளியின் பிரச்சினை இலங்கைக்கு அவமானம் , அதற்கு கிரிக்கெட் வெற்றி மூலம் பதில் சொல்ல வேண்டுமென அணியை உரமேற்றினார். அணியிலிருந்து விலக்க வேண்டிய களுவை, சனத்துக்கு சப்போர்ட்டாக ஆரம்ப வீரராக கொண்டு வந்தார். 250+ ஓட்டங்களை பெறுவதா பிரச்சினை, நாங்கள் சேஸிங்கிலேயே 250 ஓட்டங்களை துரத்தி பிடிக்கிறோம் என, ஆரம்ப துடுப்பாட்டத்திற்கு அடுத்த வீரர்களான அசங்க குருசிங்க, அரவிந்த டீ சில்வா ஆகியோரிடம் பொறுப்பை கொடுத்தார். உலகக்கிண்ணம் நமக்கு சாதகமான ஆசிய மைதானங்களில் இடம்பெறுகிறது, இந்த statsகளை ஓரமாக வைத்துவிட்டு, அணியில் தொடர்ந்து இருக்கும், ஒரு அணியாய் இருக்க உதவும் தர்மசேன, முரளி, வாஸ், பிரமோத ஆகியோருக்கு வாய்ப்பு கொடுத்தார். இத்தனையும் செய்கின்றபோதும் கூட, அர்ஜீனாவின் இலக்கு உலகக்கிண்ணத்தை வெல்வதல்ல. அதற்கு முன்னான, அத்தனை உலகக்கிண்ணங்களிலும் தகுதிப்போட்டிக்கே தகுதி பெறாத அணி என்கிற அவமானத்தை களைவதே…!

அப்படி போய்க்கொண்டிருந்த, அர்ஜீனாவை சொறிந்துவிட்ட பெருமை அவுஸ்திரேலிய வீரர்களையே சாரும். இலங்கையில் இடம்பெற்ற குண்டுவெடிப்புக்கு பிறகும் கூட, ICC போட்டிகளை நடாத்த பாதுகாப்பான நாடு இலங்கை என்று சொல்லிவிட்டது. போதாக்குறைக்கு சச்சின்- அக்ரம் எல்லாம் ஒரு அணியாய் கண்காட்சி போட்டியில் கூட விளையாடினார்கள். இவ்வளவு நடந்தும், அவுஸ்திரேலியா வீம்பு காட்டியது. அதை பார்த்து மே.தீவுகளும் வீராப்பாய் வரமாட்டோம் என்று நின்றன. இது அர்ஜீனாவை வெறுப்பாக்கியது. எல்லா அணிகளும் போட்டிகளை விளையாடத் தொடங்க, இலங்கை மட்டும் விளையாடாமல் Walkover வாங்கிக்கொண்டு புள்ளி பட்டியலில் முன்னணியிலிருந்தது. அது அர்ஜீனாவை மட்டுமல்ல, அணிதலைவனின் சொல்லுக்கு எள்ளாய் நிற்க்கும், சனா, அரவிந்த என எல்லோரையும் கடுப்பாக்கியது. அந்த ஒட்டுமொத்த கடுப்பையும், இலங்கையில் சிம்பாவே & கென்யா அணிகளுக்கெதிராக காட்டு காட்டு என்று காட்டினார்கள்.

இந்தியாவோடு விளையாட, இந்தியா போக வேண்டும். குழு நிலை போட்டி, சச்சினின் சதத்தோடு 271 ஓட்டங்கள். அர்ஜீனா நம்பிக்கை வைத்த அத்தனை பேரும் வரிசையாக களத்தில் நின்று இலங்கைக்கு வெற்றியை பெற்றுகொடுத்தது மட்டுமல்ல. 250+ எல்லாம் எங்களுக்கு சிம்பிள் என்று காட்டினார்கள். அந்த போட்டியில் இவரால்தான் வென்றோம் என்று தனித்து யாரையும் சொல்ல முடியாது. அணியாக வென்றார்கள்.

என்னதான் வென்று, குழு நிலையில் முதலிடத்தை பிடித்தாலும், அவுஸி & மே. தீவோடு விளையாடிருந்தா இப்ப வெளியே போயிருப்பானுக..! என்கிற அவமானம் கூடவே ஒட்டிக் கொண்டு வந்தது. அர்ஜீனா முடிவெடுத்து விட்டார். இறுதி போட்டியில் இவனுக யாரையாவது போட்டு தள்ளிட்டுத்தான் கப்ல கை வைக்கிறம். அணிக்கு சொல்லப்பட்டதும் அதுதான். நிறைவேற்ற தளபதிகளாக அரவிந்த & கோ தயாரானார்கள்.

ஆனால், அதற்கு முதல் காலிறுதியில் இங்கிலாந்தை வெல்ல வேண்டும். பாக்கிஸ்தானில் போட்டி நடந்தது. சனத் ஜெயசூரிய அப்போதைய இங்கிலாந்தின் பெரும்பாலன பந்து வீச்சாளர்களின் Careerஜ முடித்து வைத்து தான் ஏன் Master Blaster என்பதை காட்டினார். அசால்டாக இங்கிலாந்தை தட்டியாயிற்று. பத்திரிகைகளில் வெற்றி செய்தி வந்தாலும், கூடவே ஆஸியை சந்திக்காமல் அதிர்ஸ்டம் கொடுத்த இடம் என்பதும் சின்னதாக ஒட்டிக்கொண்டே வந்தது.

அடுத்து மீண்டும் இந்தியாவை இந்தியாவின் கோட்டை கல்கத்தாவில் அரையிறுதியில் சந்திக்க வேண்டும். எவ்வளவு அடிச்சாலும் chasingல் இலங்கையர்கள் பலமாக இருக்கிறார்கள். ஆடுகளம் எப்படியிருந்தாலும், அவர்களை முதலில் ஆடுகளத்துக்கு வரவைத்து வளைத்துபோட வேண்டுமென அசாரூதின் திட்டம் போட்டார். மைதானத்தின் தன்மை அடிப்படையில், இந்தியா முதலில் துடுப்பெடுத்தாடி இருக்க வேண்டும். ஆனால், அசாரூதின் இலங்கையின் முதல் இரண்டு விக்கெட்டுகளை 2 ஓட்டங்களுக்கு பெற்றபோதும் சரி, அதிலிருந்து மீட்டு அரவிந்த 66, மகாநாம 58 என பெற்று 251 ஓட்டங்களை பெற்றபோதும் வெற்றி தங்களுக்கு என்று உறுதியாக நம்பினார். சிம்பிளாக சொன்னால், அப்போதைய இலங்கை அணி தற்போதைய இந்திய அணிக்கு சமம். Chasing வெறியர்களாக இருந்தார்கள். பந்துவீச்சு கொஞ்சம் மந்தமாக இருந்தது.

அசாரூதின் நம்பிக்கையை அவர்களது துடுப்பாட்டத்தில் சச்சின்-மஞ்சேக்கர் ஜோடி காப்பாற்றி கொண்டிருந்தது. அப்போதுதான், சனத் அந்த Partnership Breaker பந்தை போட்டார். துடுப்பாட்ட ஜோடி சனா-களு , பந்துவீச்சு & ஸ்டம்பிங் மூலமாக இலங்கைக்கு போட்டியை வென்று கொடுத்தது.

இந்தியாவை இந்திய மண்ணில் சுமார் 100க்கும் மேற்பட்ட ஓட்டங்களினால் வெற்றி பெற்று இறுதிபோட்டிக்கு வருகிறோம் என சத்தமாக சொல்லப்போகிறோம் என நினைத்திருந்த அர்ஜீனாவை இந்தியாவின் மோட்டுத்தனமான ரசிகர்களின் செயல்பாடு இன்னும் வெறியாக்கியது. அவர்கள் மைதானத்தை கொளுத்த “Sri Lanka won by default” என வரலாற்றில் பதிவாகியது.

படிக்கும் நமக்கே விசராகும்போது, அர்ஜீனா & கோவுக்கு எப்படி இருந்திருக்கும். சரி, இறுதிபோட்டி உறுதி. அதிலும், அவுஸ்திரேலியாவை சந்திக்க போகிறோம். முக்கியமாக S Warne சந்திக்க போகிறோம். ஒட்டுமொத்தமாக அங்கு பதில் சொல்லிக் கொள்ளுவோம் என அமைதியாக இருந்தார்கள்.

இறுதிபோட்டி லாகூரில், இலங்கையில் இறுதிபோட்டி நடந்தால் எப்படி ஆதரவு இருக்குமோ அப்படியோரு ஆதரவு இலங்கைக்கு இருந்தது. இறுதிபோட்டியில், அர்ஜீனா Tossல் வெற்றிபெற்று பந்துவீசப்போவதாக இன்னுமொரு ஆச்சரியத்தை கொடுத்தார். உலக்கிண்ண இறுதிபோட்டி வரலாற்றில் Chasing என்கிற வார்த்தையே இல்லை. 92ல் கிண்ணம் வென்ற இம்ரான்கான் முதல், போட்டிக்கு முதல் என்னமாதிரியான மைதானம் வேண்டுமென ஹொட்டல் தேடிவந்து கேட்ட ரமீஸ் ராஜா வரை தலையில் கைவைத்தார்கள். ஆனால், அர்ஜீனா கிண்ணத்தில் கை வைத்தார். 🔥

ஆஸி ஒரு கட்டத்தில் 300 என்கிற இலக்கை நோக்கி போய்கொண்டிருந்தது. M Taylor & R Pointing அற்புதமாக விளையாடி கொண்டிருந்தார்கள். அவர்களை இழுத்துபிடித்து பவிலியனுக்கு அனுப்பி வைத்தார் அர்ஜீனாவின் தளபதி அரவிந்த. அதற்க்கு பிறகு, சீரான இடைவெளியில் விக்கெட்களை இழக்க இலங்கைக்கு 241 இலக்காக வந்து சேர்ந்தது.

அரையிறுதிபோல, இங்கும் ஆரம்ப துடுப்பாட்ட ஜோடி ஆட்டமிழக்க, 96 இறுதி போட்டியை நேரில் பார்க்காதவர்கள் 2011 இறுதி போட்டியில் மகேலவின் ஆட்டத்தை பார்த்திருந்தால், அதைவிட இரண்டு மடங்கு Pressureக்கு மத்தியில் அரவிந்த சதமடித்தார் என கற்பனை செய்து பார்த்து கொள்ளுங்கள். இறுதியில், அணி தலைவரின் Signature shotயுடன் நான்கு ஓட்டங்களை பெற்று, அவுஸ்திரேலியாக்கு மட்டுமல்ல , அதிர்ஸ்டத்தால் இறுதிபோட்டிக்கு வந்தார்கள் என சொன்ன எல்லொருக்கும் நடுவிரலாய் கிண்ணத்தை உயர்த்தி பிடித்தார் அர்ஜீனா.

எதுவுமேயில்லாத அணிக்கு, நம்பிக்கை,பொறுப்பு, ஏன் பல சமயங்களில் தன் வீட்டை கூட கொடுத்து Captain Cool ஆக , சரித்திர நாயகனாக இலங்கையின் மிகச்சிறந்த கிரிக்கெட் Era ஆரம்பத்துக்கு வித்திட்டார் அர்ஜீனா + அவருடன் அவரால் நம்பப்பட்ட, அவர் நம்பிக்கையை காப்பாற்றியவர்கள். இதுதான் ஸ்டார்களுக்கு பின்னால் நிற்கும் கிரிக்கெட்டில் இலங்கையின் மேஜிக்கலான வெற்றிக் கதை…!